მცხეთის რაიონის სოფელ ძეგვის მოსახლეობა ერთ-ერთი კომპანიის სამუშაოებს აპროტესტებს.
ადგილობრივების თქმით, მათ აქვთ ინფორმაცია, რომ კერძო კომპანია „იბერკომპანი“ დასახლებულ პუნქტთან ახლოს ნავთობბაზის მშენებლობას, რეზერვუარების დამონტაჟებასა და მასში იმპორტული ნავთობის განთავსებას აპირებს, რაც მოსახლეობის თქმით, მათი ჯანმრთელობისათვის საზიანო იქნება.
კომპანიის საზოგადოებასთან ურთიერთობის სამსახურის უფროსის, თამარ წავჭანიძის განმარტებით, ძეგვში ტერიტორიაზე მშენებლობა არ იგეგმება.
როგორც თამარ წავჭანიძემ განაცხადა, კომპანიამ საკუთარ ტერიტორიაზე სხვადასხვა მეტალის კონსტრუქციები მხოლოდ დაასაწყობა და ნავთობბაზის მშენებლობა დაგეგმილი არ არის.
სამშენებლო სამუშაოების დაწყების შემთხვევაში მოსახლეობა ქუჩის გადაკეტვით იმუქრება.