სენატის მიერ ანტირუსული სანქციების მხარდაჭერას რუსეთის საგარეო საქმეთა სამინისტრო ოფიციალური განცხადებით პასუხობს.
მოსკოვი შეშფოთებულია ამერიკის დამოკიდებულებით და საპასუხოდ რუსეთში მყოფ ამერიკელ დიპლომატებს შეზღუდვებს უწესებს.
„ვთავაზობთ ამერიკულ მხარეს 1 სექტემბრამდე რუსეთში ამერიკის დიპლომატიური მისიების თანამშრომლების, მათ შორის ტექნიკური თანამშრომლების რაოდენობა გაუთანაბრდეს, ამერიკაში რუსეთის დიპლომატიურ მისიებში მომუშავე პერსონალის რაოდენობას. ეს იმას ნიშნავს, რომ საერთო ჯამში ამერიკის დიპლომატიურ მისიებში მომუშავე თანამშრომლების რიცხვი უნდა შემცირდეს 455 ადამიანამდე”. წერია რუსეთის საგარეო საქმეთა სამინისტროს განცხადებაში.
რუსეთის საგარეო საქმეთა სამინისტროს განცხადებას რუსეთში ამერიკის ელჩი გამოეხმაურა, დიპლომატიური მისიის წარმომადგენლებზე შეზღუდვების დაწესებით ჯონ ტეფტი შეშფოთებულია.