რუსეთის, ირანისა და ჩრდილოეთ კორეის წინააღმდეგ სანქციების გამკაცრების შესახებ კანონპროექტს სენატში კენჭს სავარაუდოდ ამ კვირაში უყრიან. ინფორმაციას სენატის საგარეო ურთიერთობათა კომიტეტის თავმჯდომარე ბობ კორკერი ავრცელებს.
მისი თქმით, კანონმდებლებმა დოკუმენტის შინაარსთან დაკავშირებით შეთანხმებას მიაღწიეს, რაც საშუალებას იძლევა კანონპროექტის დამტკიცების პროცესი გაგრძელდეს.
აშშ-ის წარმომადგენელთა პალატამ რუსეთის, ირანისა და ჩრდილოეთ კორეის წინააღმდეგ სანქციების გამკაცრების შესახებ კანონი 25 ივლისს დაამტკიცა. დოკუმენტში საუბარია საქართველოდან რუსეთის ჯარის გაყვანის აუცილებლობასა და აშშ-ის მხრიდან საქართველოს მხარდაჭერის გაგრძელებაზე. მას შემდეგ რაც კანონპროექტს სენატი დაამტკიცებს, ის ხელმოსაწერად აშშ-ის პრეზიდენტს გადაეგზავნება