აბიტურიენტების 15%-მა ზოგად უნარებში კომპეტენციის მინიმალური ზღვარი ვერ გადალახა. ამის შესახებ შეფასებისა და გამოცდების ეროვნული ცენტრის ხელმძღვანელმა მაია მიმინოშვილმა განაცხადა.

მისივე განმარტებით, ეს მაჩვენებელი, წინა წლებისგან მნიშვნელოვნად არ განსხვავდება.

ამასთან, მიმინოშვილმა აღნიშნა, რომ 80 ქულა არავის მიუღია, ხოლო 79 ქულა რამდენიმე აბიტურიენტმა მიიღო. აპლიკანტებს საკუთარი მონაცემების ნახვა შესაბამის ვებ გვერდზე შეუძლიათ.

როგორი შედეგები აქვთ აბიტურიენტებს სხვა საგნებში ეს მომდევნო კვირიდან პერმანენტულად გამოქვეყნდება.

როგორც მიმინოშვილმა აღნიშნა, ყველაზე ხანგრძლივმა ეროვნულმა გამოცდებმა, ხარვეზების გარეშე ჩაიარა. პროცესი 3 ივლისს დაიწყო და დღეს დასრულდა.

წელს სულ 41 ათასამდე აბიტურიენტი იყო რეგისტრირებული.