პოლიტიკური პლატფორმა „ახალი საქართველო“ თბილისის მერიასა და აუდიტის სამსახურს მიმართავს. პარტიის წევრებმა, უფასო სასადილოების თემასთან დაკავშირებით დღეს, ნარმანიას უწყებაში ახალი დოკუმენტები წარადგინეს. „ახალი საქართველოს“ სოციალური მიმართულების ხელმძღვანელის განცხადებით, შესწავლილი ოქმებიდან ირკვევა, რომ დოკუმენტაცია არაჯეროვანადაა შესრულებული და გაყალბებულია. პარტიის წევრები მოითხოვენ დადგეს იმ 50 საჯარო მოხელის თანამდებობრივი პასუხისმგებლობის საკითხი, რომლებიც საქმეში ფიგურირებენ. მიმდინარე წლის მაისში, გიორგი ვაშაძემ, უფასო სასადილოებთან არსებულ შესაძლო კორუფციულ სქემასთან დაკავშირებით, პროკურატურაში განცხადება შეიტანა.