ივლისი 26, 2017
98
რუსი სამხედროების მიერ გორის რაიონის სოფელ ბერშუეთიდან გატაცებული საქართველოს ორი მოქალაქე გათავისუფლებულია.
ზაზა ბერიანიძეს და ლევან ტურაშვილს ე.წ. საზღვრის კვეთისთვის დადგენილი ჯარიმა, 2000 რუსული რუბლი გადაახდევინეს.
გათავისუფლებულებმა უკვე დატოვეს ცხინვალის დროებითი დაკავების იზოლატორი. ისინი რუსმა სამხედროებმა ქართველ სამართალდამცველებს ერგნეთის საგუშაგოზე გადასცეს.
ბერიანიძე და ტურაშვილი საოკუპაციო რეჟიმის წარმომადგენლებმა სოფელ ბერშუეთის სამების ეკლესიის სიახლოვეს დააკავეს. ეკლესია ე.წ. საზღვრიდან 200 მეტრამდე მდებარეობს, მიუხედავად ამისა, იქ მისვლა ადგილობრივებისთვის საფრთხეს წარმოადგენს.
მაჩვენე მეტი