პრემიერ-მინისტრი ისრაელში ქართულ დელეგაციას შეხვდა. გიორგი კვირიკაშვილმა მეგობრობის განმტკიცებისკენ გადადგმულ ნაბიჯად შეაფასა მზარდი მაჩვენებლები ტურიზმის მიმართულებით და განაცხადა, რომ გასულ წელს ისრაელიდან საქართველოს 100 ათასი ტურისტი ეწვია.
მთავრობის მეთაურმა აღნიშნა, რომ შემოდგომისთვის ასევე, დაიგეგმა ეკონომიკური თანამშრომლობის მთავრობათაშორისი კომისიის სხდომის გამართვა, რომლის ფარგლებში მიმდინარეობს ძალიან მნიშვნელოვანი დიალოგი.
პრემიერ-მინისტრმა ისრაელის სახელმწიფოს, საერთაშორისოდ აღიარებულ საზღვრებში საქართველოს ტერიტორიული მთლიანობისა და სუვერენიტეტის განუხრელი მხარდაჭერისთვის კიდევ ერთხელ დიდი მადლობა გადაუხადა. საქართველოს პრემიერ-მინისტრთან შეხვედრას ისრაელის ქართული დიასპორის 100-მდე წარმომადგენელი დაესწრო.