„საქართველოს ახალგაზრდა იურისტთა ასოციაციამ“ სისხლის სამართლის საქმეების სასამართლო მონიტორინგის შედეგების პრეზენტაცია გამართა.
ანგარიშში განხილულია 2000 სისხლის სამართლის საქმე 2016 წლის სექტემბრიდან 2017 წლის თებერვლამდე პერიოდში.
„ახალგაზრდა იურისტთა ასოციაცია“ საერთო სასამართლოების სისტემაში არსებულ დარღვევებზე მიუთითებს, რომელიც, ორგანიზაციის ანგარიშის მიხედვით, თბილისში, ქუთაისში, ბათუმში, გორსა და თელავში გამოვლინდა.
ერთ-ერთ მნიშვნელოვან პრობლემად გამამტყუნებელი განაჩენების სიმრავლე და ყველაზე მკაცრი აღკვეთის ღონისძიების მასობრივად გამოყენება სახელდება.
საია ასევე მიუთითებს, რომ სამართალდამცველების მხრიდან შესაძლო ზემოქმედების ფაქტები, რომლებზეც დაკავებულები მიუთითებენ, ძირითადად, რეაგირების გარეშე რჩება. ორგანიზაცია შესაბამის უწყებებს ხარვეზების აღმოფხვრისკენ მოუწოდებს.