ატვირთვა
ავტორიზაცია რეგისტრაცია
5 107 962
ნახვა
345
ხელმომწერი
23 824
ვიდეო

„ბავშვთა სამყაროს“ ხანძრის შედეგად დაზარალებულები ირაკლი შოთაძის გადადგომას ითხოვენ

გაზიარება
ივლისი 24, 2017
126
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

„ბავშვთა სამყაროს“ ხანძრის შედეგად დაზარალებულები მთავარ პროკურატურასთან საპროტესტო აქციას მართავენ. აქციის მონაწილეები მთავარი პროკურორის ირაკლი შოთაძეს გადადგომას ითხოვენ.

ხანძრის შედეგად დაზარალებულები აცხადებენ, რომ გამოძიება ამ დრომდე არ დასრულებულა. ისინი "ბავშვთა სამყაროს" ადმინისტრაციის, დაცვის სამსახურისა და საპატრულო სამსახურის პასუხისმგებლობის საკითხის დაყენებას ითხოვენ.

მათი თქმით, შოთაძემ დაზარალებულებს ხანძრის მიზეზების გამოძიების პირობა მისცა, თუმცა ამ დრომდე ამ მხრივ, აქციის მონაწილეების თქმით, არაფერი​ გაკეთებულა.

დაზარალებულები ეჭვობენ, რომ მთავარი პროკურორი დამნაშავეებს ხელს აფარებს, ამის დასტურად ისინი თბილისსა და სხვა რეგიონებში ბაზრობებზე ხანძრებს ასახელებენ.

აქციაზე იმყოფებიან "ბავშვთა სამყაროს" მოიჯარეები, რომლებიც აცხადებენ, რომ ამ დრომდე მათ არანაირი კომპენსაცია არ აუღიათ. მათივე თქმით, 97 მეიჯარეს „ბავშვთა სამყაროს“ ადმინისტრაციამ განუცხადა, რომ მათთვის დახმარების გაცემა მხოლოდ მას შემდეგ მოხდება, რაც მთავარი პროკურატურა გამოძიების დასკვნას გაასაჯაროებს. მოიჯარეები დახმარების თხოვნით როგორც ადგილობრივ, ისე ცენტრალურ ხელისუფლებას მიმართავენ.

აქციას „ადვოკატთა ასოციაციის“ თავმჯდომარე და თბილისის მერობის კანდიდატი ალეკო ელისაშვილიც შეუერთდნენ, რომლებიც აქციის მონაწილეების მოთხოვნებს იზიარებენ.

მაჩვენე მეტი