ერთთვიანი პაუზის შემდეგ, საქართველოს საფეხბურთო ჩემპიონატი განახლდა. ჩემპიონატის ლიდერმა თბილისის დინამომ საკუთარ მოედანზე ფოთის კოლხეთი 6:1 დაამარცხა. სამტრედიამ კი ეროსი მანჯგალაძის სახელობის სტადიონზე ქობულეთის შუქურას 4:1 სძლია.

კარგი სადებიუტო მატჩი ჩაატარა სამტრედიას კოტდივუარელმა ლეგიონერმა ინტერს გუიმ, რომელმაც დუბლი შეასრულა. დღეს ტურის კიდევ სამი მატჩი ჩატარდება: ივანწმინდაში საჩხერეს ჩიხურა გორის დილას უმასპინძლებს, ბათუმის დინამო კი რაგბი არენაზე - თბილისის ლოკომოტივს.

ტური საბურთალოსა და ქუთაისის ტორპედოს შეხვედრით დასრულდება, რომელიც დავით პეტრიაშვილი არენაზე 21:00 საათზე დაიწყება.

მატჩის პირდაპირ ტელერეპორტაჟს საზოგადოებრივი მაუწყებლის მეორე არხი შემოგთავაზებთ.