ჯორჯიან უოთერ ენდ ფაუერი პეკინის ქუჩაზე მთავარ სამუშაოებს განახორციელებს. ამ მიზეზით მოსახლეობას წყალმომარაგება შეეზღუდება.

24, 25 და 26 ივლისს, დილის 11.00 სთ-დან საღამოს 7 სთ-მდე, ასევე საღამოს 11 საათიდან დილის 08.00 საათამდე წყლის მიწოდება შეუწყდებათ საბურთალოს რაიონს, კონკრეტულად თამარაშვილის, ნუცუბიძის და მიმდებარე ქუჩებს; ნუცუბიძის და ვაჟა-ფშაველას კვარტლებს; ვაკის რაიონში, კი ჭავჭავაძის გამზირის ნაწილს, კეკელიძის და მცხეთის ქუჩებს, ბაგებს.

ასევე მთაწმინდის რაიონს, კერძოდ წყნეთს და კიკეთს 24-დან 26 ივლისის ჩათვლით წყალმომარაგება შეეზღუდება 17 საათიდან, მომდევნო დღის 13.00 საათამდე.

სამუშაოების შედეგად პეკინის ქუჩის მარცხენა მხარეს გამავალი - მაგისტრალური ქსელი განახლდება უახლესი ევროპული ტექნოლოგიით.

პარალელურად განხორციელდება ევროსტანდარტის შესაბამისი ჩამკეტ-მარეგულირებელი ურდულის დამონტაჟება.