ვაჟა-ფშაველას 76ბ-სა და თავხელიძის ქუჩის მცხოვრებლები კომპანია "ბანის" მიერ დაწყებული მშენებლობის შეჩერებას ითხოვენ. დღეს აღნიშნული ქუჩების მცხოვრებლებმა საქართველოს მთავარ პროკურატურასთან აქცია გამართეს. მათი განცხადებით, მშენებლობა სამშენებლო ნორმების დარღვევით მიმდინარეობს. აღნიშნულ მშენებლობებზე გამოძიება 2017 წლიდანაა დაწყებული, თუმცა გამოძიება ჭიანურდება. მათი მთავარი მოთხოვნაა გამოძიების დასრულებამდე შეჩერდეს აღნიშნულ ტერიტორიებზე მშენებლობა.
"მშენებლობა ორივე ტერიტორიაზე სამშენებლო ნორმების დარღვევით მიმდინარეობს. დაახლობით 250 დარღვევაა ორივე ობიექტზე. გამოძიება მიმდინარეობს, მაგრამ რატომღაც გამოძიება მოქალაქეებს არ ცნობს დაზარალებულად . როგორც მერია განმარტავს, საჭიროა ექსპერტიზის დასკვნა, რომელსაც ჩვენ ვერ წარვადგინთ, რადგან არ ვართ დაზარალებულად ცნობილები. ვითხოვთ, რომ ვაჟა-ფშაველას 76ბ-ში, სადაც ხელმოწერები გაყალბდა, მოხდეს სრულყოფილი გამოძიება და სამართლის პასუხისგებაში მიეცნენ დამნაშავე პირები, კანონის შესაბამისად მოხდეს დემონტაჟი ან ნახევრად დემონტაჟი აღნიშნული ობიექტების",-განაცხადა აქციის ერთ-ერთმა მონაწილემ ზურაბ ფეიტრიშვილმა.