ბოლო დროის გახმაურებული საქმის გამო, ძალოვან უწყებებს ორი მაღალჩინოსანი ტოვებს.
აფგან მუხთარლის საქმის გამოძიების დასრულებამდე უფლებამოსილება უჩერდებათ სასაზღვრო პოლიციის უფროსს და სუს-ის კონტრდაზვერვის დეპარტამენტის ხელმძღვანელს.
როგორც ირკვევა, ერთი თვის წინ, სავარაუდოდ, ამავე საქმის გამო გაათავისუფლეს შინაგან საქმეთა მინისტრის პირველი მოადგილეც.
გადაწყვეტილების მიზეზად კითხვების და ინტერპრეტაციების გამორიცხვა სახელდება. რეზონანსულ საქმეს დღეიდან მთავარი პროკურატურა იბარებს. მანამდე კი შინაგან საქმეთა მინისტრმა მისი უწყების მიერ ჩატარებული გამოძიების შუალედური ანგარიში წარმოადგინა, რომლის მიხედვით, აზერბაიჯანელი ჟურნალისტის გატაცების ფაქტი ამ ეტაპზე არ დასტურდება.
საქართველოდან გაუჩინარებულ მუხთარლის ოჯახს ძიების მიმართ მაინც პრეტენზიები აქვს.
რატი ხვისტანი მუშაობს თემაზე.