იერუსალიმში, ალ აქსას მეჩეთის ტერიტორიაზე პალესტინელების საპროტესტო აქცია რამდენიმე დღეა მიმდინარეობს.
პალესტინელების მოთხოვნაა, ისრაელის პოლიციამ მეჩეთის შესასვლელთან დამონტაჟებული მეტალის დეტექტორები მოხსნას.
აქტივისტებმა პოლიციაზე იერიში ქვებით მიიტანეს, საპასუხოდ სამართალდამცველებმა მათ წინააღმდეგ რეზინის ხელკეტები და წყლის ჭავლი გამოიყენეს.
შედეგად რამდენიმე ადამიანი დაშავდა. ათობით აქტივისტი დაკავებულია. მეტალის დეტექტორი მეჩეთში უსაფრთხოების მიზნით ერთი კვირის წინ დამონტაჟდა, რასაც წინ უსწრებდა შეირაღებული თავდასხმა ისრაელელ სამართალდამცველებზე.
იერუსალიმის პარალელურად საპროტესტო აქცია ბეთლემშიც გაიმართა. პალესტინელები ამტკიცებენ, რომ ისრაელის მთავრობა ტაძრის მთის სტატუს კვოს გაუქმებას გეგმავს, რასაც შეიარაღებული კონფლიქტი წარსულში რამდენჯერმე მოჰყვა.