თურქეთში მომხდარი ავტოავარიის შედეგად გარდაცვლილი მამაკაცი საქართველოში გადმოასვენეს. ტრანსპორტირება თურქულმა მხარემ უზრუნველყო. სარფში გარდაცვლილის ახლობლებთან ერთად ტრაპიზონში საქართველოს გენერალური საკონსულოს წარმომადგენლები იმყოფებოდნენ. სარფიდან თბილისამდე ტრანსპორტირებას თბილისის მერია უზრუნველყოფს.
60 წლის მამაკაცი ანსამბლ „ლაპრების“ ოპერატორი იყო და მოცეკვავეებს ბულგარეთში მიჰყვებოდა. ავტოსაგზაო შემთხვევიდან დღემდე, ის ხელოვნური სუნთქვის აპარატზე იყო მიერთებული.
ამ დროისთვის, თურქეთის სამ საავადმყოფოში ავარიის შედეგად დაშავებული ოთხი პირი რჩება. მათი მდგომარეობა სტაბილურია.
ფაქტთან დაკავშირებით მიმდინარეობს გამოძიება. თურქმა სამართალდამცველებმა უკვე დაკითხეს ავტობუსის მძღოლი, რომელიც ასევე, საავადმყოფოში რჩება. მისი დაკითხვა ხვალაც გაგრძელდება.
ავტოსაგზაო შემთხვევა თურქეთში, გერასუნის გუბერნიაში მოხდა. ანსამბლ „ერისიონის” საბავშვო სტუდია „ლაპრების” წევრები თბილისიდან ბულგარეთში ფესტივალზე მიემგზავრებოდნენ.