იერუსალმის ტაძრის მთასთან არაბ მომლოცველებსა და ისრაელის პოლიციას შორის მომხდარი შეტაკების შედეგად 70-ზე მეტი ადამიანი დაშავდა, 14 მათგანი მძიმე დაზიანებებით საავადმყოფოში გადაიყვანეს. დაშავებულია იერუსალიმის უმაღლესი ისლამური საბჭოს თავმჯდომარეც.
გავრცელებული ცნობით, პოლიციამ რეზინის ტყვიები და ცრემლსადენი გაზი გამოიყენა, თუმცა თავად ისრაელის პოლიციაში ინფორმაციას უარყოფენ. არეულობის მონაწილეებმა პოლიციას ქვები ესროლეს.
ტაძრის მთის სამლოცველოსთან დაკავშირებით დაძაბულობა მას შემდეგ დაიწყო, რაც გასულ კვირას სამმა არაბმა ალ-აქსას მეჩეთთან ისრაელის პოლიციის ორი თანამშრომელი მოკლა. თავდამსხმელების ლიკვიდაცია პოლიციელებმა განახორციელეს. სამლოცველოს ტერიტორია დაიხურა, თუმცა 17 ივლისს კვლავ გაიხსნა და დეტექტორები დამონტაჟდა, რამაც მუსლიმების აღშფოთება გამოიწვია.