ავსტრალიის მთავრობა ქვეყნის უშიშროების საბჭოს კონტრტერორისტულ კანონში ცვლილებების შეტანას სთავაზობს.
პრემიერ-მინისტრ მალკოლმ ტერნბოლის ინიციატივაა, რომ ავსტრალიის შეიარაღებულ ძალებს ქვეყნის მასშტაბით ანტიტერორისტულ სპეცოპერაციებში მონაწილეობის მიღება შეეძლოთ.
არსებული კანონის ფარგლებში, ამ ტიპის სპეცოპერაციებში მხოლოდ სამართალდამცავი ორგანო მონაწილეობს, ჯარის ჩართულობის აუცილებლობა დღის წესრიგში მხოლოდ მაშინ დგება, როცა პოლიციას შექმნილი კრიზისული სიტუაციის დასარეგულირებლად რესურსი არ ჰყოფნის.
კანონპროექტის ავტორებს მაგალითად 2014 წლის დეკემბერში სიდნეის ერთ-ერთ კაფეში მომხდარი ინციდენტი მოჰყავთ, როცა ირანელმა ემიგრანტმა ჰარონ მონისმა 18 ადამიანი მძევლად აიყვანა, შედეგად კი ორი ადამიანი დაიღუპა.