ე.წ. საზღვრის უკანონო კვეთის ბრალდებით, კიდევ ერთი მწყემსი დააკავეს. 62 წლის მამაკაცი სოფელ ავლევის მკვიდრია. მისი დაკავების ფაქტს სახელმწიფო უსაფრთხოების სამსახურში ადასტურებენ და აცხადებენ, რომ მომხდართან დაკავშირებით, ამოქმედებულია ცხელი ხაზი, ინფორმირებულია ევროკავშირის სადამკვირვებლო მისია. შესაბამისი მოქმედებები ხორციელდება კიდევ 2 მოქალაქის გასათავისუფლებლად. ვასილ ბოლოთაევი და თენგიზ კაჯილოვი გუშინ დააკავეს. ისინი წითელუბნის საძოვრებზე საქონელს მწყემსავდნენ, საიდანაც აიყვანეს.