ამერიკის შეერთებული შტატების სენატში ობამას ჯანდაცვის პროგრამის გაუქმებისთვის საჭირო კენჭისყრა კვლავ გადადიო.
ამჯერად ამის მიზეზი სენატორ ჯონ მაკკეინის ჯანმრთელობის მდგომაროება იყო. გამოცემა „პოლიტიკოს“ ცნობით, არიზონელ სენატორს თვალზე ჰემატომა ჰქონდა და ოპერაცია დასჭირდა.
ჟურნალისტების ცნობით, მაკკეინის ჯანმრთელობის მდგომაროება დამაკმაყოფილებელია, თუმცა მას ერთკვირიანი სარეაბილიტაციო კურსის გავლა მოუწევს.
ამის გამო „ობამაქეარის“ გაუქმებისთვის აუცილებელი კენჭისყრა მომავალ კვირას ვერ გაიმართება. ობამას დროინდელი ჯანდაცვის პროგრამის გაუქმება დონლად ტრამპის ერთ-ერთი მთავარი წინასაარჩვენო დაპირება იყო.
ტრამპის ინიციატივით შემუშავებულ ჯანმრთელობის დაზღვევის ახალ პროგრამას კონგრესში ბევრი მოწინააღმდეგე ჰყავს, ამიტომ თითოეული სენატორის ხმა შესაძლოა, გადამწყვეტი აღმოჩნდეს.