"სოფელ აბასთუმნის საჯარო სკოლაში რამდენიმე თვეა სიტუაცია უკიდურესად დაიძაბა" - ამის შესახებ სპეციალურად გამართულ პრესკონფერენციაზე სერგო რატიანმა განაცხადა.

"ევროპული საქართველოს" ლიდერის განცხადებით, სოფელ აბასთუმანში 90-იანი წლებიდან მოყოლებული საჯარო სკოლა ყოფილი რძის საწარმოს შენობაშია განთავსებული, რომლის მეპატრონეც დირექტორსა და პედაგოგებზე ზეწოლასა და შანტაჟს ახორციელებს.

საუბარია სულ 7 მასწავლებელზე, რომელთაგან ერთი რამდენიმე დღის წინ კანონმდებლობის სრული დარღვევით გათავისუფლდა.

რატიანის თქმით, განათლების სამინისტრო საქმის კურსშია. სამინისტროში კი აცხადებენ, რომ საკითხს სწავლობენ და მის გადაჭრაში ჩართულები არიან.