20 ოპოზიციური პარტია ხელისუფლებას დიალოგის დაწყებას და საკონსტიტუციო ცვლილებების პროექტთან დაკავშირებით კონსენსუსის მიღწევას სთავაზობს.
საპარლამენტო და არასაპარლამენტო პარტიების წარმომადგენლები ყველა საკითხთან დაკავშირებით მსჯელობისათვის მზადყოფნას გამოთქვამენ, თუმცა მთავარ აქცენტს საარჩევნო სისტემაზე აკეთებენ.
ოპოზიცია მაჟორიტარული სისტემის გაუქმებასა და პროპორციულ სისტემაზე გადასვლას 2020 წლიდან ითხოვს, როგორც ეს კონსტიტუციის პროექტის თავდაპირველ ვარიანტში იყო წარმოდგენილი.
ხელისუფლება დიალოგისათვის მზადყოფნას გამოთქვამს, თუმცა აცხადებს, რომ საარჩევნო საკითხები დიდი ალბათობით არ გადაიხედება.
„ქართული ოცნების“ წევრების თქმით, დიალოგის ფორმატის დეტალების შესახებ მას შემდეგ გახდება ცხობილი ,რაც საკითხზე პარლამენტის თავმჯდომარე და პრემიერ-მინისტრი კონსულტაციებს გამართავენ.