20 ივლისს პროკურატურა ბათუმის მარტის მოვლენებთან დაკავშირებით დაკავებულ კიდევ 2 პირთან გააფორმებს საპროცესო შეთანხმებას, ინფორმაციას ერთ-ერთი დაკავებულის ადვოკატი, თენგიზ კახიძე ავრცელებს.
„საპროცესო შეთანხმება 20 ივლისს კიდევ ორ დაკავებულთან -მურვანიძესთან და გოგიტიძესთან გაფორმდება. ბრალდების მხარემ მათ ერთწლიანი პატიმრობა შესთავაზა, რასაც ორივე დაკავებული დათანხმდა. სხვა მსჯავრდებულებს კი პროკურატურა წელიწადნახევრიან პატიმრობას სთავაზობს, ამ წინადადებას ჩვენ არ ვეთანხმებით“,-განაცხადა თენგიზ კახიძემ.
ბათუმის საქალაქო სასამართლოში 6 დაკავებულის საქმის განხილვა დღეს განახლდა. პროცესზე მტკიცებულებათა გამოკვლევა მიმდინარეობს. დაკავებულები მზად არიან საპროცესო შეთანხმებას ხელი მოაწერონ, ოღონდ იმ შემთხვევაში, თუ პროკურატურა მათ ნახევარიდან ერთ წლამდე პატიმრობას შესთავაზებს.
საპროცესო შეთანხმება უკვე გაფორმდა ორ პირთან, რომლებიც 6 თვიან და 1 წლიან პატიმრობას დათანხმდნენ. პროკურატურა საპროცესო გარიგებას მხოლოდ აქციის ორგანიზატორობის ბრალდებით დაკავებულ ჩხვირკიასა და ღოღობერიძეს არ სთავაზობს.