ატვირთვა
ავტორიზაცია რეგისტრაცია
6 335 794
ნახვა
324
ხელმომწერი
27 785
ვიდეო

კომუნიკაციების ეროვნულმა კომისიამ დაადგინა, რომ სსმ-ს კანონი არ დაურღვევია

გაზიარება შექმენი ლუპი
ივლისი 13, 2017
138
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

კომუნიკაციების ეროვნულმა კომისიამ დაადგინა, რომ საზოგადოებრივ მაუწყებელს კანონი მაუწყებლობის შესახებ არ დაურღვევია და ვიდეორგოლი, რომელიც გადიოდა ტელევიზიის ეთერში, სრულად შეესაბამება სოციალური რეკლამის კრიტერიუმებს.

საუბარია სოციალურ რეკლამაზე, რომელიც საკონსტიტუციო ცვლილებებს ეხებოდა. საჩივარი კომუნიკაციების ეროვნულ კომისიაში საარჩევნო ბლოკის "თავისუფალი დემოკრატები-რესპუბლიკელების" წევრებმა შეიტანეს. მოსარჩელეები აცხადებდნენ, რომ რეკლამა არ იყო სოციალური და ის მმართველი ძალის ინტერესებს ატარებდა.

თუმცა კომისიამ მათი პოზიცია არ გაიზიარა და ერთ-ერთ არგუმენტად დაასახელა ის, რომ რეკლამის დამკვეთი რგოლში მითითებული არ არის, ასევე, მაუწყებლის კომპეტენციაში არ შედის რეკლამის შინაარსში ჩარევა და ის სრულად შეესაბამება სოციალური რეკლამის კრიტერიუმებს.

"კომისიამ ჩათვალა, რომ საზოგადოებრივი მაუწყებელი მოიქცა კანონის ფარგლებში, კერძოდ, მას ვალდებულება ჰქონდა შეემოწმებინა, შეესაბამებოდა თუ არა ის სოციალური რეკლამის განმარტებას და ის შეესაბამებოდა. კერძოდ, საკონსტიტუციო რეფორმა უდავოდ არის ქვეყნისთვის მნიშვნელოვანი საკითხი და სოციალური რეკლამის განმარტება ზუსტად ამას მოიცავს, რომ ქვეყნისთვის მნიშვნელოვან საკითხებზე უნდა იყოს რეკლამაში საუბარი და ის საზოგადოების ცნობიერების ამაღლებას უნდა ემსახურებოდეს. შესაბამისად, კომისიამ ჩათვალა რომ კონსტიტუციური რეფორმა საზოგადოებისთვის მნიშვნელოვანი საკითხია და სრულ შესაბამისობაშია სოციალური რეკლამის განმარტებასთან", - განაცხადა კომუნიკაციების ეროვნული კომისიის თავმჯდომარე კახა ბექაურმა.

​​მისივე თქმით, კანონის მიხედვით, საზოგადოებრივ მაუწყებელს სოციალური რეკლამის შინაარსის შეცვლა აკრძალული აქვს და ვალდებულია, არ განიხილოს.

"მივიჩნევთ, რომ საზოგადოებრივი მაუწყებელი კანონის ფარგლებში მოიქცა და საჩივარი უსაფუძვლო იყო", - განაცხადა ბექაურმა.

კომისიის დღევანდელ სხდომას მოსარჩელე მხარე არ დასწრებია.

მაჩვენე მეტი