უკანონო ბორდერიზაციის ფონზე ,„პატრიოტთა ალიანსის“ სამკაციანი დელეგაცია მოსკოვში იმყოფება.
ადგილობრივი ჟურნალისტები წერენ, რომ 25 წლის შემდეგ ეს არის პირველი შემთხვევა, როდესაც ქართველი დეპუტატების ჯგუფი დუმაში შეხვედრებს მართავს.
პარტიის წევრები უკვე შეხვდნენ დსთ-ს საკითხებში დუმის კომიტეტის თავმჯდომარეს, სადაც არაფორმალური ჯგუფის შექმნაზე შეთანხმდნენ. ეს ჯგუფი ორი ქვეყნის ურთიერთობების ნორმალიზებაზე იმუშავებს.
შეხვედრაზე საუბარი შეეხო სავიზო რეჟიმის გამარტივებას და დიპლომატიური ურთიერთობების აღდგენის საკითხსაც.
კომიტეტის თავმჯდომარე საქართველოში ნატო-ს გახშირებულ წვრთნებსაც გამოეხმაურა და შეშფოთება გამოთქვა. ირკვევა, რომ არაფორმალური ჯგუფის შეხვედრები თბილისსა და მოსკოვში ყოველთვიურად მოეწყობა.