ატვირთვა
ავტორიზაცია რეგისტრაცია
5 106 671
ნახვა
345
ხელმომწერი
23 824
ვიდეო

ამერიკელი გენერალი - ISIS-ის წინააღმდეგ ბრძოლა ჯერ არ დასრულებულა

გაზიარება
ივლისი 11, 2017
201
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ამერიკელმა გენერალმა ერაყში, სტივენ თაუნსენდმა განაცხადა, რომ მოსულში ბრძოლა "თვითგამოცხადებული ისლამური სახელმწიფოს" წინააღმდეგ ჯერ არ დასრულებულა და გამარჯვების აღნიშვნა ნაადრევია. თაუნსენდი დარწმუნებულია, მიუხედავად მოსულში წარმატებულად ჩატარებული სპეცოპერაციისა, ჯიჰადისტების დაბრუნების საფრთხე მაინც არსებობს. ამერიკელი გენერალი "თვითგამოცხადებული ისლამური სახელმწიფოსა" და ექსტრემიზმის განადგურების უმთავრეს გზად ერაყის შიიტურ მთავრობასა და სუნიტ მოსახლებას შორის საერთო ენის გამონახვას და ურთიერთობების ნორმალიზებას განიხილავს.

მოსულისთვის ბრძოლა თითქმის ცხრა თვეა გრძელდება. ერაყის ჯარმა ჯიჰადისტები ქალაქიდან თითქმის სრულად განდევნა. მოსახლეობის ევაკუაცია საბრძოლო მოქმედებების პარალელურად, ეტაპობრივად მიმდინარეობდა. შედეგად, დღეს 920 ათასამდე ადამიანი იძულებით გადაადგილებული პირია. ტიგროსის პირას მდებარე ერაყის ერთ-ერთი უძველესი ქალაქი ნანგრევებითაა სავსე.

"თვითგამოცხადებული ისლამური სახელმწიფოს", იგივე დაეშის მიერ განსაკუთრებული სისასტიკით ჩადენილი ეპიზოდები სწორედ მოსულს უკავშირდება. 2014 წლის ივნისში დაეშის სულიერმა ლიდერმა აბუ ბაქრ ალ-ბაღდადიმ თავი ხალიფად სწორედ მოსულში, ალ ნურის მეჩეთში გამოაცხადა. რამდენიმე კვირის წინ, მოსულისთვის ბრძოლის დროს, ე.წ. ისლამური სახელმწიფოს მებრძოლებმა ალყიდან თავის დაღწევის მიზნით ალ ნურის მეჩეთი ააფეთქეს.

მაჩვენე მეტი