უკრაინაში დღეს ნატო-უკრაინის კომისიის სხდომა გაიმართება, რომელსაც ალიანსის გენერალური მდივანი, იენს სტოლტენბერგი უხელმძღვანელებს.
nato.int-ის ინფორმაციით, სხდომას დაესწრება უკრაინის პრეზიდენტი პეტრო პოროშენკო. მოგვიანებით კი ნატო-ს გენერალური მდივანი ქვეყნის პრემიერ-მინისტრს შეხვდება, უკრაინის პარლამენტს მიმართავს, ასევე პარლამენტის სპიკერთან და საპარლამენტო ფრაქციებთან შეხვედრას გამართავს.
ვიზიტის ფარგლებში ნატო-ს დიპლომატები ასევე დაესწრებიან გამოფენას, რომელიც ნატო-უკრაინის თანამშრომლობის 20 წლის იუბილეს ეძღვნება. ასევე იგეგმება უკრაინაში ნატო-ს წარმომადგენლობის ახალი შენობის გახსნა, რომლის პრეზენტაციასაც ალიანსის გენერალური მდივანი, ევრო-ატლანტიკურ სტრუქტურებში ინტეგრაციის საკითხებში ვიცე-პრემიერთან ერთად დაესწრება.