გასულ კვირას საზოგადოება კიდევ ერთხელ გაგვაერთიანა ოკუპაციამ.
კრემლის უკანონო პოლიტიკურმა ნაბიჯმა ადამიანის ფუნდამენტური უფლებები და თავისუფლებები დაარღვია. საქართველოს ტერიტორია კვლავ ე.წ. საზღვრის მიღმა მოექცა.
ადგილი, რომელსაც მოქალაქეები წლების განმავლობაში ამუშავებდნენ ახლოსაა, თუმცა მიუწვდომელი. საოკუპაციო ძალებმა სოფელ ბერშუეთში არარსებული საზღვრის აღმნიშვნელი ბანერი დაამონტაჟეს.
ოფიციალური თბილისი რეაგირებისთვის საერთაშორისო თანამეგობრობას მიმართავს. ვითარება ადგილზე შეისწავლეს ევროკავშირის დამკვირვებლებმა. ყველაზე მძიმედ საოკუპაციო ძალების მოქმედება ე.წ. საზღვრის მიმდებარედ მცხოვრებ მოქალაქეებზე მოქმედებს.
როგორია მათი ყოველდღიურობა დღეს? ამის გასარკვევად როგორ შიდა ქართლში, ისე სამეგრელოში იმედა დარსალია ჩავიდა.