საია "შპს ნარიყალასთვის" მიწის ნაკვეთის საკუთრებაში გადაცემის საკითხის ხელახლა შესწავლას ითხოვს. საქმე ეხება 2008 წელს გორგასლის ქ.#3-ში აბანოთუბნისა და მის მიმდებარე ტერიტორიის კერძო მესაკუთრისთვის გადაცემას.
ახალგაზრდა იურისტთა ასოციაციაში საქმის დეტალები შეისწავლეს და ხარვეზები გამოავლინეს. კერძოდ, როგორც კვლევაშია ნათქვამი, გასხვისებული ტერიტორია სკვერის ნაწილსაც მოიცავდა, რაც საჯარო სივრცეა და კანონმდებლობის მიხედვით ის კერძო საკუთრებაში გადაცემას არ ექვემდებარება. გარდა ამისა, მესაკუთრეს ტერიტორიის მიღების სანაცლოდ თანხა არ გადაუხდია.
კვლევაში ნათქვამია, რომ "შპს ნარიყალასთვის" ქონების გადაცემის დამადასტურებელი დოკუმენტის გაბათილების მოთხოვნა საკრებულოში 2016 წელს შევიდა, თუმცა არ დაკმაყოფილდა.
საია პარალელს ავლებს ამავე წელს ზვიად ნაზღაიძისთვის ქონებასთან დაკავშირებულ საქმეზე.
საია მოუწოდებს საკრებულოს, ხელახლა შეისწავლოს როგორც საქმის დეტალები, ასევ არსებული დოკუმენტები და კანონის შესაბამისი გადაწყვეტილება მიიღოს.