დედაქალაქის მერი თბილისის მიკროავტობუსების კომპანიას სამარშრუტო ტაქსებში კონდიცირების გამოუყენებლობის შემთხვევების აღმოფხვრისაკენ მოუწოდებს.

დავით ნარმანია აცხადებს, რომ თბილისის მერია ამ კუთხით მონიტორინგს ატარებს, რომლის შედეგებიც რეაგირების მოხდენის მიზნით კომპანიას ეგზავნება.

მონიტორინგის თანახმად, მხოლოდ გუშინ გაგრილების სისტემის გამოუყენებლობის 218 შემთხვევა დაფიქსირდა. აქედან, 162 მძღოლს პირველადი გაფრთხილება მიეცა, 56-ს კი რეგულაციების მეორედ დარღვევის გამო, 2 კვირით მუშაობის უფლება ჩამოერთვა.

მიკროავტობუსების მძღოლებისთვის აღნიშნული რეგულაციები დედაქალაქის მასშტაბით 1 ივლისიდან ამოქმედდა.