„ბლექ სი არენა“ 23 ივლისს ცნობილ ქართველ მომღერალს ქეთი მელუას უმასპინძლებს. „ზაფხულის დღესასწაული“ - ასე ჰქვია შოუს, რომელსაც მომღერალი ინგლისურ ბენდთან ერთად წარმოადგენს. კონცერტთან დაკავშირებით, მელუა მსმენელისთვის მიმართვას ავრცელებს და ამბობს, რომ გახარებულია საქართველოში ჩამოსვლით.

კონცერტზე ქეთი მელუას ალბომში შესული სიმღერები და კლასიკური ჰიტები შესრულდება, რომლითაც მომღერალმა საერთაშორისო აღიარება მოიპოვა. „ზაფხულის დღესასწაულში“ სპეციალური მოწვევით „გორის ქალთა კამერული გუნდი“ მიიღებს მონაწილეობას. ბილეთის ფასები ადგილების შესაბამისად, 20-120 ლარია. შოუ „ჩექინ ჯორჯიას”ფარგლებში გაიმართება.