ატვირთვა
ავტორიზაცია რეგისტრაცია
5 107 990
ნახვა
345
ხელმომწერი
23 824
ვიდეო

ტელეკომპანია „იმედის“ საქმე

გაზიარება
ივლისი 4, 2017
152
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

7 ნოემბრისა და ტელეკომპანია "იმედის" საქმეზე ნოტარიუსი დაკითხეს, რომელმაც ტელეკომპანიის წილი ბადრი პატარკაციშვილის გარდაცვალებიდან ერთ კვირაში, პატარკაციშვილის ნდობით აღჭურვილი გიორგი ჯაოშვილისგან, ჯოზეფ ქეიზე გადააფორმა.

ნოტარიუსმა მერი ბუბაშვილმა სასამართლოში თქვა, რომ მასთან ჯაოშვილი და ჯოზეფ ქეი მივიდნენ, წილების გადაფორმების დადასტურება მოსთხოვეს, ამ პროცესს კი დიდი ოდენობით სამხედრო პოლიციის თანამშრომლები ესწრებოდნენ.

პროკურატურის მტკიცებით, ჯაოშვილს სწორედ სამხედრო პოლიციის მეშვეობით წილის დათმობას აიძულებდნენ.

მოწმემ იმ პერიოდზე საუბრობს, როდესაც თავდაცვის მინისტრი დავით კეზერაშვილი იყო, კერძოდ 2008 წელზე, როდესაც ბადრი პატარკაციშვილის ოჯახის წილი ტელეკომპანია "იმედში" ჯოზეფ ქეიზე გადაფორმდა.

მისი თქმით, ამ პერიოდში, მურთაზ ზოდელავა პირადად მივიდა და წილების გადაცემის დროულად დადასტურება სთხოვა.

მოწმის თქმით, ხელშეკრულებაში გარკვეული ხარვეზები იყო და პროცესი მან, როგორც ნოტარიუსმა მაქსიმალურად გააჭიანურა, ვიდრე ხარვეზები არ აღმოიფხვრა.

მოწმის განცხადებით, მისი მეუღლე მიხეილ სააკაშვილის ესკორტში მუშაობდა და 2011 წელს დაურეკა სახელმწიფო დაცვის სპეციალური სამსახურის იმდროინდელმა უფროსმა თემურ ჯანაშიამ, რომელმაც უთხრა, რომ მერი ბუბაშვილი სამსახურიდან უნდა წასულიყო.

მერი ბუბაშვილის თქმით, სწორედ ამ პერიოდში დატოვა სამსახური, თუმცა რა კავშირი აქვს 2008 წელს, "იმედის" წილების გადაფორმებას, 2011 წელს ჯანაშიას ზართან მერი ბუბაშვილს არ დაუკონკრეტებია.

სხდომის დატოვების შემდეგ, მან საზოგადოებრივთან კომენტარი არ გააკეთა..

მაჩვენე მეტი