65 აღსრულებული და 35 მიმდინარე საქმე - ასეთია სტრასბურგის სასამართლოს მიერ მიღებული გადაწყვეტილებების სტატისტიკა იმ საჩივრებზე, რომელიც საქართველოდან გაიგზავნა.
ევროკავშირის და ევროპის საბჭოს ორგანიზებით ამ საკითხზე დღეს კონფერენცია ჩატარდა. შეხვედრა საქართველოში ევროპის საბჭოს ოფისის ხელმძღვანელმა გახსნა, რომელმაც ადამიანის უფლებათა ევროპული სასამართლოს გადაწყვეტილებების აღსრულებაზე საპარლამენტო ზედამხედველობის მნიშვნელობას გაუსვა ხაზი.
რაც შეეხება პარლამენტის პოზიციას, იურიდიულ საკითხთა კომიტეტის ხელმძღვანელის შეფასებით, საქართველო რეგიონში მოწინავე პოზიციაზეა, რომელსაც დანერგილი აქვს რეგულაციები ზედამხედველობის მიმართულებით.
სწორედ ამ რეგულაციების მიხედვით, მთავრობას დაევალა, სტრასბურგის სასამართლოს გადაწყვეტილებების შესრულებასთან დაკავშირებით, ყოველწლიური ანგარიში წარადგინოს.