ქუთაისში ჟურნალისტი სცემეს.

„მოამბის“ კორესპონდენტის ინფორმაციით, ბუბა ჩივაძე საკუთარი ავტომანქანით ავტოქარხნის დასახლებაში მოძრაობდა, როდესაც მას ავტომობილით უცნობი აედევნა.

შუქნიშანთან თავდამსხმელი მანქანიდან გადმოვიდა და ჟურნალისტს ფიზიკურად გაუსწორდა.

ფაქტი წუხელ, დაახლოებით 22:00 საათზე მოხდა.

„პარლამენტის მიმდებარე ტერიტორიაზე უცნობმა ჯერ მანქანაზე შუშა ჩამილეწა, შემდეგ კი ფიზიკურად გამისწორდა. მაგინებდა და მუცელში მირტყამდა. ნიღაბი არ ეკეთა, მაგრამ ვერ ვიცანი",-განაცხადა „მოამბესთან“ საუბრისას დაზარალებულმა.

შინაგან საქმეთა სამინისტროს ცნობით, მომხდართან დაკავშირებით საქმეზე გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.