წალენჯიხის მუნიციპალიტეტის სოფელ ჭალეში მორიგი საპროტესტო აქცია იმართება. ადგილობრივი მოსახლეობა ელექტროგადამცემი სადენების სარემონტო სამუშაოების შეჩერებას ითხოვს. ადგილობრივები სამუშაოების საკუთარი ძალებით შეჩერებას შეეცადნენ, თუმცა პოლიციის თანამშრომლებმა მათ ტერიტორიაზე შესვლის საშუალება არ მისცეს.
აქციის ერთ-ერთი მონაწილე ქალი შეუძლოდ გახდა. ადგილზე იმყოფება სასწრაფო სამედიცინო სამსახურის ბრიგადა. მათი თქმით, აქციის მონაწილის ჯანმრთელობის მდგომარეობა მძიმეა. სამართალდამცავებმა შეძლეს ვითარების განმუხტვა. ადგილზე მისული იყო წალენჯიხის რაიონის გამგებლის მოადგილე. მისი თქმით, მოსახლეობის ნაწილმა კომპენსაცია უკვე მიიღო და დარჩენილებიც დაკმაყოფილდებიან.
ჭალეში რამდენიმე ოჯახი ითხოვს მაღალი გადამცემი ელექტროგადამცემი ხაზების გადატანას ან სამუშაოების შეჩერებას.