მოქალაქეები,რომელბიც დაკისრებულ ჯარიმას შესაბამისი სმს-შეტყობინების მიღებიდან 10 კალენდარულ დღეში გადაიხდიან, 20% ფასდაკლებით ისარგებლებენ. მთავრობამ შსს-ს მიერ წარმოდგენილი ვიდეო ჯარიმების აღსრულებასა და ლიზინგის რეგისტრაციასთან დაკავშირებული საკანონმდებლო პაკეტი მოიწონა. როგორც ვარაუდობენ ამ მიდგომით ბიუჯეტში დროულად გადახდილი ჯარიმების ოდენობა გაიზრდება და დაიზოგება სახელმწიფო რესურსები. მსგავსი მოდელი აპრობირებულია ევროპის ქვეყნებში, მათ შორის, იტალიაში, დიდ ბრიტანეთსა და საფრანგეთში.