ვენესუელის უზენაესი სასამართლოს შენობას ვერტმფრენიდან ყუმბარები დაუშინეს. ინციდენტი იმ დროს მოხდა, როდესაც ქვეყნის პრეზიდენტი, ნიკოლას მადურო პირდაპირ ეთერში სიტყვით გამოდიოდა.
მომხდარი პრეზიდენტმა ტერორისტულ თავდასხმად შეაფასა და მონაწილე პირების მართლმსაჯულების წინაშე წარდგენის პირობა დადო.
მოგვიანებით, კარაკასში კიდევ ერთი ინციდენტი მოხდა. ეროვნული გვარდიის წევრებმა ოპოზიციური ძალების წარმომადგენელი, 3 დეპუტატი და ადგილობრივი ჟურნალისტები სცემეს. მომხდარის გამო, ეროვნულ ასამბლეაში ქაოსი წარმოიშვა.
გავრცელდა ინფორმაცია, რომ ეროვნულმა გვარდიამ პარლამენტის ბლოკირება განახორციელა, იმ დროს როდესაც შენობაში ოპოზიციონერი დეპუტატები რჩებიან. პარალელურად კი პრეზიდენტის სასახლესთან ჯავშანტექნიკის მობილიზაციაც გამოცხადდა.
პრეზიდენტი ოპოზიციურ ძალებს აფრთხილებს, რომ ამბოხისა და მისი მთავრობის ჩამოგდების მცდელობის შემთხვევაში, იარაღს ხელში აიღებენ და ომს გამოაცხადებს.