ნიუ-იორკის მეტროპოლიტენში მატარებლის შემადგენლობის ორი ვაგონი რელსებიდან გადავიდა. შემთხვევის შედეგად დაშავდა 34 ადამიანი, 17 მათგანი საავადმყოფოშია გადაყვანილი.

ინციდენტი 125-ე ქუჩის სიახლოვეს, ჰარლემში მოხდა, თუმცა რამ გამოიწვია ავარია უცნობია. მგზავრების განცხადებით, გვირაბში კვამლიც შენიშნეს, რაც, სავარაუდოდ, სწრაფი დამუხრუჭების შედეგად წარმოიშვა.

რელსებიდან გადასულმა შემადგენლობამ გვირაბის კედელი, ლიანდაგები და აპარატურა დააზიანა. მომხდარის გამო, აღნიშნულ ხაზზე მატარებლების მიმოსვლა შეფერხდა. ფაქტზე დაწყებულია გამოძიება.