საკონსტიტუციო ცვლილებების საკითხს ეხმაურება სოციოლოგი ვალერიან გორგილაძე. მისი თქმით, მიუხედავად ოპოზიციის წინააღმდეგობისა, ხელისუფლებამ სხვადასხვა სოციალური ჯგუფის საბაზისო მოთხოვნები გაითვალისწინა.
ანალიტიკოსი მიწის გასხვისების, ოჯახის დეფინიციისა თუ საგარეო კურსის შესახებ ცვლილებებზე ამახვილებს ყურადღებას და აღნიშნავს, რომ თავად ვენეციის კომისიამ ახალი კანონპროექტი წინ გადადგმულ ნაბიჯად შეაფასა.
გორგილაძის თქმით, სოციალურ ჯგუფებს, როგორებიცაა „აუდიტორია 115“, „თეთრი ხმაურის მოძრაობა“ და „ქართული იდეა“, უფრო მეტი გავლენა აღმოაჩნდათ ხელისუფლბაზე, ვიდრე ოპოზიციურ პარტიებს და თავად პრეზიდენტს აქვს.
მისი თქმით, ოპოზიციასთან ერთად, გიორგი მარგველაშვილმა საკონსტიტუციო ცვლილებების განხილვების დამოუკიდებელი გზა პოლიტიკური დისკურსის მცდელობის შესაქმნელად აირჩია.