საქართველოს პარლამენტოს საფინანსო-საბიუჯეტო კომიტეტზე, სახელმწიფო აუდიტის საქმიანობის 2016 წლის ანგარიშის განხილვა დასრულდა.

კომიტეტმა საკითხი ცნობად მიიღო და სავარაუდოდ, ხუთშაბათს სესიაზე განიხილება. მთავარი აუდიტორი განხილვას ინტერაქციულს უწოდებს და ამბობს, რომ დეპუტატებს ყველა კითხვაზე დეტალური ინფორმაცია მიაწოდა.

კითხვები ძირითადად შეხებოდა აღმოჩენილ ხარვეზებს, რეკომენდაციებს.

ლაშა თორდიას თქმით, არის გარკვეული საქმეები, რომელიც შემდგომი კვლევისთვის პროკურატურას გადაეცა. მათ შორის 2016 წელს ასეთი 27 დასკვნა იყო, 2015 წელს 30-მდე.

მისივე განმარტებით, გარკვეულ საქმეებს უკვე მოჰყვა რეაგირება. დაკავებულია რამდენიმე პირი. დღესვე კითხვა დაისვა სავარაუდო ზეწოლის ფაქტებზეც.

"ნაციონალური მოძრაობის" წევრს, რომან გოცირიძეს აინტერესებდა, არსებობდა თუ არა ზეწოლის ფაქტი, რომელიმე აუდიტორზე, რაზეც ლაშა თორდია აღნიშნა, რომ ასეთი ფაქტის შესახებ ინფორმაცია არ აქვს, გარდა იმ ინციდენტისა, რაც მასსა და ოთარ ფარცხალაძე შორის მოხდა.