საფრანგეთის პრეზიდენტი და ჰოლივუდის ვარსკვლავი არნოლდ შვარცნეგერი დონალდ ტრამპის წინააღმდეგ - მაკრონმა და შვარცნეგერმა ვიდეომიმართვა ჩაწერეს, სადაც კლიმატის ცვლილებასთან დაკავშირებით დონალდ ტრამპის პოლიტიკას აკრიტიკებენ.

მაკრონმა ლოზუნგი „აქციე ჩვენი პლანეტა კვლავ დიდებულად’’, რომელიც ტრამპის ლოზუნგის „აქციე ამერიკა კვლავ დიდებულად’’ ინტერპრეტაციას წარმოადგენს, კიდევ ერთხელ გაიმეორა და მსოფლიოს კლიმატის ცვლილების წინააღმდეგ გაერთიანებისკენ მოუწოდა. 10-წამიან ვიდეოში არნორლდ შვარცნეგერი აცხადებს, რომ მისთვის დიდი პატივია მაკრონთან შეხვედრა და მასთან ერთად „მომავლის სუფთა ენერგიისთვის მუშაობა’’.