საქართველოს რაგბის ნაკრებმა არგენტინის ქალაქ ხუხუიში საზაფხულო ტესტების ბოლო, მესამე მატჩი გამართა და მასპინძლებთან ანგარიშით 29:45 დამარცხდა.

მსოფლიო რეიტინგში მე-9 ადგილზე მყოფმა არგენტინამ პირველ ტაიმში ქართველთა მრავალრიცხოვანი შეცდომები ბრწყინვალედ გამოიყენა და სანჩესის მიერ გატანილ 4 საჯარიმოს კრივისა და ტუკულეტის ლელოებიც მიუმატა.

ტაიმის ბოლოს ბორჯღალოსნებმაც გაიბრწყინეს. ლაშა ხმალაძის შესანიშნავ რეიდს ბურთის სწრაფი გათამაშება და კაჭარავას ლელო მოჰყვა. პირველი ნახევარი მასპინძელთა სასარგებლოდ, 26:8 დასრულდა.

მეორე ტაიმში სტუმრები გაცილებით უკეთ გამოიყურებოდნენ. შერკინებაში გადამწყვეტი უპირატესობა მოიპოვეს და მოიანოს ჰეთ-ტრიკის მიუხედავად, ტაიმში პუმებზე მეტი ქულის დაგროვება შეძლეს. ქართველთა მხრიდან ლელოები მათიაშვილმა და მამუკაშვილმა დადეს, ერთხელად მსაჯმა ჩვენს სასარგებლოდ საჯარიმო ლელო დანიშნა.

საზაფხულო ტესტების საბოლოო შედეგი, 2 გამარჯვება და 1 მარცხია.