ატვირთვა
ავტორიზაცია რეგისტრაცია
6 401 147
ნახვა
325
ხელმომწერი
27 785
ვიდეო

ზაზა ფაჩულია - მადლობა ყველას, ვინც ამ პროექტშია ჩართული

გაზიარება შექმენი ლუპი
ივნისი 25, 2017
105
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ზაზა ფაჩულიას აკადემიაში სამდღიანი საკალათბურთო კემპი დასრულდა, რომელიც ამერიკის საკალათბურთო ასოციაციისა და „გოლდენ-სტეიტის“ ქართველი კალათბურთელის ერთობლივი პროექტია.

საქართველოში ამერიკელი სპეციალისტები იმყოფებოდნენ , რომლებიც საწვრთნელ პროცესს უძღვებოდნენ.

პროექტის ფარგლებში, თბილისს ესტუმრა ზაზა ფაჩულიას და ვლადიმერ ბოისას მეგობარი, სლოვენიის ნაკრების ყოფილი კალათბურთელი მარკო მილიჩიც, რომელსაც ამერიკის საკალათბურთო ასოციაციაში უთამაშია.

კემპის მონაწილეებს ამერიკიდან ზაზა ფაჩულიამ მიმართა. აკადემიის დამფუძნებელმა, ამერიკის საკალათბურთო ასოციაციის ჩემპიონმა და საქართველოს ნაკრების კაპიტანმა ბავშვებს წარმატება უსურვა.

„კარგად იცით, რომ მძიმე სეზონი მქონდა და სამწუხაროდ, ჩამოსვლა ვერ მოვახერხე, მაგრამ იმედია, ამას გამიგებთ. მეორე წელია, რაც ეს კემპი ტარდება – მადლობა ყველას, ვინც ამ პროექტშია დაკავებული და ნიჭიერი ბავშვების მომავალზე ზრუნავს.

მჯერა, რომ ჩვენი აკადემიის ბავშვები იზრდებიან. მნიშვნელოვანია, რომ დღეს უკეთ იყოთ, ვიდრე გუშინ, დღეს მეტი გამოცდილება შეიძინოთ, ვიდრე აქამდე გქონდათ – ასეთია წარმატებული სპორტსმენის გზა. რაც უფრო მეტი თქვენთაგანი ითამაშებს მაღალ დონეზე, მით უფრო წარმატებული ნაკრები გვეყოლება.

33 წელი დამჭირდა, რომ ამერიკის საკალათბურთო ასოციაციის ჩემპიონი გავმხდარიყავი. ამას დიდი შრომა და მოთმინება დასჭირდა. მაგრამ ეს ყველაფერი ამად ღირდა, რადგან სპორტსმენისთვის ჩემპიონობაზე დიდი ბედნიერება არ არსებობს” – ამბობს ზაზა ფაჩულია.

ფაჩულიას აკადემიის მთავარი მწვრთნელი დეჟან პროკიჩი იმედოვნებს, რომ კემპი ტრადიციული გახდება და მისი დახმარებით, ქართველი ბავშვები კარიერას აიწყობენ.

„ეს კემპი ბავშვებისთვის ბევრს ნიშნავს, გახარებულები არიან და სამომავლოდ დიდი სტიმული გაუჩნდათ.. მთავარია, რომ საქართველო ამერიკის საკალათბურთო ასოციაციასთან თანამშრომლობს და მას პერსპექტიულ ქვეყნად განიხილავენ. იმედია, კემპი ტრადიციული გახდება და მისი დახმარებით ნიჭიერი ქართველი ბავშვები კარიერას აიწყობენ”,-განაცხადა დეჟან პროკიჩმა.

მაჩვენე მეტი