დავით როსტომაშვილზე მომხდარ თავდასხმასთან დაკავშირებით, შინაგან საქმეთა სამინისტრო განცხადებას ავრცელებს. სადაც წერს, რომ ცხელ კვალზე დაკავებულმა პირმა ბადრაგირების დროს გაქცევა და მიმალვა შეძლო. იმ პოლიციელების წინააღმდეგ კი, რომლებიც შემთხვევის მომენტში ადგილზე იმყოფებოდნენ, გამოძიება დაიწყო. სამ თანამშრომელს ბრალი სამსახურებრივი გულგრილობის ფაქტზე წარედგინა.
23 ივნისს საქალაქო სასამართლომ დაკავებულებს, აღმკვეთი ღონისძიების სახით, გირაო შეუფარდა და უფლებამოსილება შეუჩერა.
გაბრიელ სალოსის ქუჩაზე მომხდარი ყაჩაღობის ფაქტზე კი, ბრალდებულის სახით, პოლიციამ 1991 წელს დაბადებული კიდევ ერთი პირი დააკავა, რომელიც დაზარალებულმა დავით როსტომაშვილმა და მისმა ქალიშვილმა, ამოიცნეს, როგორც ზემოხსენებული დანაშაულის ჩამდენი პირი.
გამოძიება როსტომაშვილის დაყაჩაღების ფაქტზე, 14 ივნისს დაიწყო.