ჩრდილოეთ კორეაში გასამართლებული ოტო უორმბირი ცინცინატის სასაფლაოზე დაკრძალეს. ამერიკის შეერთებული შტატების პრეზიდენტმა, დონალდ ტრამპმა უორმბირის გარდაცვალებაში ჩრდილოეთ კორეის მთავრობა დაადანაშაულა, ბარაკ ობამა კი თავის დროზე უმოქმედობისთვის გააკრიტიკა. მისი თქმით, ამერიკელი სტუდენტი ფხენიანის ციხიდან გაცილებით ადრე უნდა გამოეხსნათ.

ოტო უორმბირი სამშობლოში კომატოზურ მდგომარეობაში დააბრუნეს. მშობლები დარწმუნებული არიან, რომ იგი ჩრდილოეთ კორეაში არაადამიანური მოპყრობის მსხვერპლი იყო. უორმბირის ოჯახმა მისი გარდაცვალების შემდეგ გაკვეთაზე უარი თქვა.