საპატრიარქო დეკანოზ გიორგი მამალაძის ოჯახს სრულ აუდიოჩანაწერს დღის ბოლომდე გადასცემს, - ამის შესახებ პატრიარქის მდივანმა დეკანოზმა მიქაელ ბოტკოველმა განაცხადა.

მისი თქმით, გავრცელებული ჩანაწერი სრული ვერსია იყო და საპატრიარქო ექსპერტიზისთვისაც მზად არის.

"ჩვენ მზად ვართ ექსპერტიზისთვის. დეკანოზ გიორგი მამალაძის ოჯახის წევრებს ჩანაწერის სრულ ვერსიას აუცილებლად მივცემთ. მათ სრულ ვერსიას. როგორ ფიქრობთ, ასეთ წინდაუხედაობას გამოვიჩენდით და მონტაჟს გავაკეთებდით, რომ მერე საზოგადოების განხილვის საგნად ვაქციოთ ეს? გავრცელებული ჩანაწერი სრული ვერსიაა. დღის ბოლომდე დავაკმაყოფილებთ მათ თხოვნას და მივცემთ ჩანაწერს", - განაცხადა ბოტკოველმა.