ივნისი 23, 2017
730
ყაჩაღობა კასპში - სოფელ ახალქალაქში, ნოვრუზაშვილების ოჯახში ექსპერტ-კრიმინალისტები მთელი ღამის განმავლობაში მუშაობდნენ.
80 წლის სალომე ნოვრუზაშვილს დანით შეიარაღებული უცნობი მამაკაცი თავს ეზოში დაესხა და ძალის გამოყენებით მისი სარდაფში ჩაყვანა სცადა.
მოხუცი სახლში ორ ნათესავთან ერთად იმყოფებოდა. ხმაურზე ნათესავები ეზოში გამოვიდნენ, რა დროსაც თავდამსხმელმა გაქცევა შეძლო.
ნოვრუზაშვილების ახლობლების ინფორმაციით, ოჯახიდან არაფერია წაღებული. ნაცემი 80 წლის ქალბატონი სასწრაფო დახმარების ბრიგადამ კასპის საავადმყოფოში გადაიყვანა. ექიმების განცხადებით მას ნეკნების მრავლობითი დაზიანება და ტვინის შერყევა აქვს.
მომხდართან დაკავშირებით აღძრულია სისხლის სამართლის საქმე.
მაჩვენე მეტი