შესარჩევმა კომისიამ საზოგადოებრივი მაუწყებლის სამეურვეო საბჭოს წევრობის კანდიდატებს მოუსმინა.
ღია კონკურსზე განაცხადი სულ ხუთმა მსურველმა შეიტანა. ესენი არიან: კინორეჟისორი დავით ცინცაძე, ბიზნესინჟინერი გიორგი იაკობაშვილი, იურისტი აკაკი გიგინეიშვილი, ჟურნალისტი ია მამალაძე, ტელევიზიისა და კინოს რეჟისორი მიხეილ მრევლიშვილი, ფიზიკოსი ლელა ფირალიშვილი და აღმოსავლეთმცოდნე პაატა სურგულაძე .
მეურვეობის კანდიდატთა წარდგენის თაობაზე განაცხადების მიღების ვადა 13 ივნისს ამოიწურა. საკონკურსო კომისიას მოსწავლე-ახალგაზრდობის ეროვნული სასახლის დირექტორი თინათინ რუხაძე ხელმძღვანელობს.
კომისიამ ვაკანტურ თანამდებობაზე პარლამენტს სამი კანდიდატი უნდა წარუდგინოს, საიდანაც ერთი პარლამენტის წევრთა ხმათა უმრავლესობით დამტკიცდება. ეს საპარლამენტო უმრავლესობის კვოტაა.