თითქმის მთელი ღამის განმავლობაში გაგრძელდა ხმაური და დაპირისპირება გამრეკელის 39 ნომერში.

ნიკოლოზ მაქაშვილის მრევლის სახელით მოქალაქეები მას შემდეგ შეიკრიბნენ, რაც მაქაშვილს დროებით საცხოვრებელში შესვლის უფლება სახლის მეპატრონემ არ მისცა.

რაც შეეხება მდგმურის სახლში არშეშვების მიზეზს, როგორც ისინი აცხადებენ, მაქაშვილმა მეპატრონეებს განუცხადა რომ სახლი მისი საკუთრება იყო და საცხოვრებლის დაცლაც მოსთხოვა,

ხელაძეების მტკიცებით კი, სახლი მათ მფლობელობაშია და ამის მტკიცებულებებიც გააჩნიათ. იმ შემთხვევაში თუ მაქაშვილს სახელმწიფო ალტერნატიულ ფართს არ გამოუყოფს, ოჯახი გამოსახლების მიზნით სასამართლოს მიმართავს.

შეკრებილების მოთხოვნა იმის შესახებ, რომ მაქაშვილი სახლში შეეშვათ, 7- საათიანი მწვავე პროტესტის შემდეგ დაკმაყოფილდა. ხელაძეების ოჯახი კომპრომისზე უკიდურესად დაძაბული სიტუაციის განმუხტვის გამო წავიდა..

უსაფრთხოების დაცვის მიზნით, ადგილზე შინაგან საქმეთა სამინისტროს წარმომადგენლები მთელი ღამის განმავლობაში იმყოფებოდნენ. როგორც საპატრიარქოში აცხადებენ, ბერ ნიკოლოზს თითქმის 20 წელია ჯანმრთელობასთან დაკავშირებული გარკვეული მიზეზების გამო შეჩერებული აქვს მღვდელმსახურება