დიდი ლილოს მცხოვრებლებისთვის წლების განმავლობაში მოუგვარებელი პრობლემა კვლავ აქტუალურია. საქმე ლილოში მდებარე ნაგავსაყრელს ეხება რომელზეც საყოფაცხოვრებო ნარჩენები თბილისის თითქმის მთელი ტერიტორიიდან გროვდება.

გაუსაძლისი სუნი და ანტისანიტარია პოლიგონის საკონსერვაციო სამუშაოებს უნდა აღმოეფხვრა თუმცა პროცესი ჭიანურდება. საკრებულო ამაში "თბილსერვის ჯგუფსა" და მის კონტრაქტორ კომპანიებს ადანაშაულებს.

"თბილსერვისი" კი მთავრობის დადგენილებით გამოწვეულ შეყოვნებაზე საუბრობს და სამუშაოების დასრულებას ვადაგადაცილებით, წლის ბოლოსთვის გეგმავს.