პარლამენტში შრომითი უსაფრთხოების საკითხებზე მსჯელობენ.
პირველი მოსმენით განსახილველი კანონი შრომით უსაფრთხოებასთან მიმართებაში პრევენციულ ღონისძიებებისა და დასაქმებულის ფუნდამენტური უფლებების დარეგულირებას გულისხმობს;
ახალი კანონორიექტი შრომით ინსპექციას საშუალებას აძლევს რეგულარული, გეგმიური მონიტორინგი მიუპატიჟებლად განახორციელოს, მძიმე, მავნე და საშიშ პირობებიან საწარმოებში.
ჯანმრთელობის დაცვისა და სოციალურ საკითხთა კომიტეტის სხდომას ჯანდაცვის მინისტრის მოადგილე ნინო ბერძული ესწრება, რომელმაც კანონპროექტზე დაწვრილებით ისაუბრა.
„კანონის მიხედვით განისაზღვრება მოქმედების სფერო. ის ვრცელდება მძიმე, მავნე და საშიშ პირობებიან სამუშაოებზე, ასევე კანონი მკაფიოდ განსაზღვრავს დამსაქმებლის ვალდებულებებსა და პასუხისმგებლობებს შრომის უსაფრთხოებასთან მიმართებაში. ის განსაზღვრავს იმ ნორმებს და სტანდარტებს, რომელიც უნდა დააკმაყოფილოს დამსაქმებელმა, ასევე ავალდებულებს დამსაქმებელს ორგანიზება გაუწიოს შრომის უსაფრთხოების პროცესებს საწარმოში,
ასევე ავალდებულებს, რომ დასაქმებული იყოს ჩართული შრომის უსაფრთხოების საკითხებში“, -აღნიშნა ბერძულმა.
კანონის მიხედვით, ასევე უნდა განისაზღვროს ადმინისტრაციული ჯარიმა იმ საწარმოებისთვის, რომლებიც უსაფრთხოების ნორმებს დაარღვევენ.
საზოგადოებრივს კანონპროექტზე ჯანდაცვის კომიტეტის თავმჯდომარის მოადგილე, დიმიტრი ხუნდაძე ესაუბრა.
„კანონმდებლობა საშუალებას მისცემს შრომით ინსპექციას,რომ მაღალი რისკის საწარმოებში შევიდნენ ყოველგვარი მოპატიჟების გარეშე და ვფიქრობ ეს რეგულაციები მოგვცემს საშუაკებას,რომ მაქსიმალურად იყოს დაცული უსაფრთხოება,გამომდიარე იქედან,რომ ხშირად ხდება,როცა ამ ნორმების დარღვევა იწვევს ფატალურ შედეგს", - აღნიშნა დიმიტრი ხუნდაძემ.